6 միջոց գրիպի և հարբուխի դեմ. ինչպես պայքարել սեզոնային վարակների և մրսածության դեմ

Սեզոնային վարակների և մրսածության դեմ ցանկալի է պայքարել ոչ թե դեղամիջոցներով, այլ բնական եղանակներով, քանի որ այդ դեպքում մեր առողջությանը վնաս չի հասցվի։

Ձեր ուշադրությանն ենք ներկայացնում այն մթերքների ցանկը, որոնք հաջողությամբ պայքարում են գրիպի և հարբուխի դեմ։

1. Կիտրոն- Կես կիտրոնը ճզմեք տաք թեյի մեջ և խմեք։ Սա կօգնի հանգստացնել բորբոքված կոկորդը։

2. Մեղր- Մեղրը կօգնի թեթևացնել կոկորդի ցավը և իջեցնել ջերմությունը։

Վերցրեք 1 թ/գ մեղր և կես լիտր գոլից մի քիչ տաք ջուր։

Յուրաքանչյուր կես ժամը մեկ ողողում արեք։

Մրսածության դեպքում կարելի է նաև մեղրը լուծել տաք կաթի մեջ և խմել քնելուց առաջ։

3. Սխտոր- Սխտորի գործածումը բարձրացնում է իմունիտետը։

Եթե մի 2 ատամիկ սխտոր ուտեք, երբ զգում եք, որ հիվանդ եք, կզգաք, որ հիվանդությունը սովորականից կարճ է տևում։

Ցանկալի է սխտորը գործածել թարմ վիճակում։

4. Խնձորի քացախ- Ինչպես և կիտրոնը, խնձորի քացախը կարող է պայքարել բակտերիաների և վարակների դեմ։

Կոկորդի ոչ ուժեղ ցավի դեպքում շատ է օգնում կոկորդի ողողումը խնձորի քացախով։

Անհրաժեշտ է 1 բաժակ ջրին ավելացնել 1 թ/գ խնձորի քացախ։

Ողողում կատարեք յուրաքանչյուր 2 ժամը մեկ։

5. Կոճապղպեղ (имбирь)- Կոճապղպեղի արմատը գրիպի, հարբուխի ու մրսածության դեմ պայքարի կախարդական միջոց է։ Այն ակնթարթորեն վերացնում է դրանց սիմպտոմները և օգնում է հաղթահարել վարակները։

Կոճապղպեղն օգտագործվում է բուրավետ և համեղ թեյ պատրաստելիս։ Ցանկալի է կոճապղպեղով թեյը խմել առավոտյան և ողջ օրվա ընթացքում, միայն ոչ քնելուց առաջ, քանզի այն առույգություն է պարգևում և կարող է քնի խանգարման պատճառ դառնալ։

Կոճապղպեղը կտրատեք բարակ կտորներով, դրեք բաժակի մեջ, ավելացրեք 2 կտոր կիտրոն և վրան թեյ լցրեք։

6. Վիսկի- Վիսկիի քիչ քանակությունը կօգնի թեթևացնել մրսածության սիմպտոմները։

Հայտնի է, որ հին շոտլանդացիները մրսածության դեպքում վիսկի էին խմում և անում տաքացնող կոմպրեսներ։

Թեյի մեջ ավելացրեք ընդամենը մի քանի կաթիլ վիսկի և վայելեք։

Բայց սա չի կարելի կիրառել, եթե ջերմում եք:

Խորհուրդ է տրվում նաև պատրաստել իմունային համակարգը խթանող միջոցներ ներքոբերյալ մթերքներից`

1. Մեղրով և սխտորով դեղամիջոց

Բաղադրամասերը՝

  • 1 գլուխ սխտոր
  • Մեղր

Պատրաստման եղանակը՝

Ճզմած սխտորը դնել ապակյա տարայի մեջ և վրան մեղր լցնել։ Տարան փակել, դնել մութ տեղում և թողնել 5 օր։

Ապա դնել սառնարանում և ընդունել ողջ սեզոնի ընթացքում։

2. Վիսկիով օշարակ մեծահասակների համար

Բաղադրամասերը՝

  • 4 ճ/գ վիսկի
  • կես կիտրոն
  • 8 ճ/գ ջուր (ըստ ցանկության)
  • 1 ճ/գ մեղր

Պատրաստման եղանակը՝

Բացի մեղրից՝ բոլոր բաղադրիչները խառնել իրար և դնել միկրոալիքային վառարանը 45 վայրկյանով։

Հանել, ավելացնել մեղրը և ևս 45 վայրկյանով դնել վառարանը։

3. Օգտակար խառնուրդ

Բաղադրամասերը՝

  • 10 պճեղ սխտոր
  • կես բաժակ սխտոր
  • 1/4 բաժակ խնձորի քացախ
  • 1 կիտրոն
  • 4 ճ/գ մեղր

Պատրաստման եղանակը՝

Դանդաղ կրակի վրա եփիր մի փոքր ճզմած սխտորը մոտ 10 րոպե։

Քամիր, ապա ավելացրու խնձորի քացախը, կիտրոնի հյութը և վերջում` մեղրը։ Օգտագործիր ըստ անհրաժեշտության, օրական 3 անգամ։

Նյութը հրապարակման պատրաստեց 168.am-ը:

Like this post? Please share to your friends:
Monde des idées